Cicce mie, forse l’è liggiute a semana passata, m’ha date
‘na scutulata ca nò spicciave cchiù. Piccè? Forse aveve raggione; ‘na crestiana
cù’a scusa d’’a puliteca e cù ‘a scusa “ del piccolo contributo per la causa”
m’ ha futtute mille euro. Mò ije nò pozze
dicere cchiù nnienede a jdde
piccè no’ tenghe a faccia. Tu, però, ca’ si strovita, m’è convinta. Nù , povere
femene, cu’ totta ‘a forza ca tenime n’ ama fa séndere. ‘U stè vide ce sò
capace d’ fa ste quattre cristiane curiuse ca parlane ‘u pulitechese. Vè spicce
sembe a ci sì tu e ci so ije . Ije so megghie d’ te piccè ‘a tenghe chiù
grossa, dicene ‘ngazzate. Però ci ve vide belle – belle ( accome dicene
l’femene esperte du mestiere) so’ cose
ca l’ ‘a scè cercà sotte-sotte piccè nò sò
propete accussì gruesse. Ije ca so’ attemurata de Die, fore de ‘a
bonaneme de Pascale e mò de Cicce, maschele no’ ne hagghie canesciute. Qualcune ha ditte ca hagghie avute pure a
Filippe ‘u sunatore de tromba, ma so tutte chiacchiere de le femene ‘mmidiose e
allupanate. Insomma ci
t’appresinde ije, cù l’otre femene ‘u vote t’ ‘u dame. A patte e
cundizione ca nò te face fà ‘nnotra scultura cu le menne all’aria come quidde
schife ca stè dope ‘u ponde. Me arricomando nò fà patte cù nisciune , nemmanghe
cù quidde ca dicene ca ci le face fa l’assessore te portene mille voti e
nemmanghe a quidde ca dicene ca te vonne dà le solde agratis pe fà à campagna
elettorale. So cambiale ca apprima o po’ scadene e tu l’ha pajà cu totte l’
‘nderesse, ci nò te accidene. Cara Memena nò ‘u sé ce fanne le femene ind’ ‘a
case? Pulezzene , stricane e aggarbene le piccenne. ’U fanne “ per istinto”,
accussì ‘a fà tu. E e mascule? Sì,
si honna cambà pure lore , ma quanne ‘u
dicime nù. Accussì ‘a fà mò ca riesce sinnache. Solde a nisciune , quidde d’’u
comune cù fatiene , ‘a caccià tutte quidde ca mò “controllano o fanno gli
amministratori straordinari”. Straordinari sò sulamende le solde ca se
pigghiane e le tasse ca ne mettene. Ci mitte ‘nzieme po’ le cristiane accome se
deve e ca honne fatiate citte citte pe tande anne è fatte mille punti.
Tua Marietta
Nessun commento:
Posta un commento