STAVA NA VÒTE…… di F. Catapano

Stava ‘na vòte, tande tìmbe fa, nù sciòrge bèdde gruèsse inde u’ fuèsse d’u’ Castìedde. Era, invece, ‘na bèdda “pantegana” fèmene ; ‘na zòcchele inzomma. Tòtte ‘llotre sciùrge l’ vulevene bbène ed spìsse e vulendière ‘a scè acchiàvene. Stàve ci l’ purtàve ‘u pisciulìne e ci ‘na scòrze de furmàgge ca avè acchiàte inde a ‘na munnèzza. Po’ stave quìdde ca no’ le purtàve nijnde e decèva ca ‘a sce acchiàva piccè l’ vulève béne.   ‘Nzòmma da ‘a maténa a’ sèra era ‘nu và e viène cundinuàte. L’òtre nò ne puntevène cchiù, ‘nu pìcche piccè  stavène senza fa nijnde, sénza fatìa  inzòmma, e nù pìcche piccè erane ‘mmidiùse. ‘A zòcchele cchiù giòvene scì cu le cumbàgne da ‘a  zòcchele cchiù vecchia, ca mànghe apprìma facève nijnde piccè l’ mangàvene le dìnde, e dicètte: càra zocchelòne  hàme avenùte tòtte assième da te piccè stà cosa ijè avveramnde grave. Forse tu nò te n’è accurgiùte , ma qua nù nò n’ putìme cchù. Quédda fìgghie de zòcchela vecchia, senza mangàrte d’ respìtte, n’hàve  levàte ‘a fatìe, ‘u mangià  e pure le sciùrge nuèstre. Ijè vère?Dicètte uardànne l’òtre. Ijè vère, ijè vère! Respunnèrene tòtte le cumbàgne. O s’ ne vè jèdde o ne sciàme nù, oppure…….oppure ce sàpe ce succède.  ‘A uè cu l’accide ? Dicette a zocchèlona vecchia. Ce sàcce quasi quasi…….. Tòtte le cumbàgne se ‘uardàrene ‘nbàcce e se ne stè scévene. Aspettàte ‘nu mumende ,aspettàte ,aspettàte… vedìme ci se po’ acchià nù remedìe. Ci hagghie capisciùte bbuène, dicètte a zocchelòna vecchia,  acquà ste “ un conflitto d’ interessi”. Ce uè cu’ dìce? Dicètte a cchiù giovane, ije no’ capésce. Vògghie cu dìche ca tu uè le còse ca téne jedda e ca jedda s’ vole tenè stretta stretta: ‘u cumbàre , a fatìe, le gnuècculecchie e l’otre còse. Allora  u’ sapìte ce cos’è ca hàma fà?  Hàme a fà ‘na bédda eleziòne p’ vedè tra tòtte quande megghie le cose ca face e ca sape fà. Ci ‘a tene cchiù grossa cumànne llòtre! Ce cos’ijè ca ha da tenè chiù grossa ? Dicette ‘a zòcchele cchiù ggiòvene uardànne a’ llotre ! Tu sì giovane , ma cérte cose le capésce bbuène, nò fa a fésse! Allora, l’ha da sapè appure  ijedda  accussì è tutte regulàre. Ne vedìme acquà dumàne e ci téne da dicère nguarche cosa a dice, po’ vutàme  e ci  vinge po’ fa quidde ca vòle; ci perde  se ste citte o se ne vè d’ acquà. Mò sciate , sciate. Quante arrevò dumàne s’acchiàrene tutte, ‘a zocchelòna vecchia dicétte:” ije ca so a chiù vecchia indico l’elezione  e ci téne da parlà cù ù dìce mò”. ‘A chiù giovane dicette ( uardànne drétta drétta ‘a cumbàgne concorrènte): ” ije nò sàcce piccè tu ha avè tanda cose e ije ca sò propete accòme a te niente. E po’…. tu t’azzicche tòtte le sciùrge nuèstre. Ije ca so a cchiù giovane e me spettane cchiù cose”,’a carne ijè fresca. “E piccè pròpete a tè?” Dicette ‘nnotra pantegana  da mmiènze a mmiènze. “E va bbene”  dicètte a zòcchela ca faceve quidde ca vuleve,”ije so accusate d’ còse ca nò esìstene, hagghie cercàte nguarche còsa a vù o a le masculune ca avénene da me? Certamente no, allòra ci stè nguarcùne ca me piace assàie  piccè ha dà stà sùle? Ije hagghie date sulamende a felicità. Quidde ca avéne cù ù pisciulìne frìsche e tuèste o cu’ ù stuezze de furmàgge, p’ ngraziamende, tu te pìnze ca ‘a colpa ijè meja ? ‘U pozze fa scè scundènde? E ci quidde avéne po’ cù nnotre pisciulìne nnotre ggiùrne, ce dìce uè ca nò ‘u fazze venè? “ Ma ije a ‘u sciòrge mije ‘u fazze mangià totte l’ ggiùrne, e po’ avene da te” a purtarte ‘u pisciuline”,dicette una, ijè giuste? L’òtra tòtta troculànne “ evidendemende ‘u mangiàre tòje ijè cucinato pìcche pìcche e‘mbonda ‘mbonde tande pe’ fà vedè, ma quidde miche è stuedeche , s’ n’ accorge subbete e me porte ‘u pisciuline. E tù remane  futtùte”. Ce cose è vìste allòre,  totte le pantegane a ruscère, a lucculà, a fa vedè le dinde come ci ‘a vulevène accidére. ‘A zocchelòna  vecchia dicette:”Sindìteme sàne; ije nò créde ca accédenne a ‘nguarcùne se po’ avè  pace e rispìtte, ‘u rìspitte inde a ste  cose nò esìste. Nu’ ca sìme totte quande capàce de fa le stesse cose facìmele cchiù megghie senza cu’ ne térame ‘a cazétta. E po’ vidite ci a colpa ijè a soja oppure ‘a  vostra ca nò sapìte tenè le sciurge  vuèstre. No ’nge vòle  in questo caso nisciùna elezione, sìme totte egùale. E po’ ci nguàrche d’une vòle purtartà ‘u pisciulìne a ‘nguarchedùna no’ ijè na cosa da accìdere. Sciatevène mò”! Ma allora a stà storia stè na cunglusiòne? A cunglusiòne è questa : mbaràteve a tenè ‘u vuestre, facìte le cose bbuene, con convinzione, e no’ picche picche ‘mbonde ‘mbonde,   tande pe’ fa vedè, piccè ste sembe nguarcùne ca ‘u sàpe fà mégghie de te .